Пра Скур'ятоў

Аднойчы, вельмі даўно, на Браслаў напаў непрыяцель і асадзіў горад. Жыхары мужна абараняліся. Аднак пачаўся голад, не хапала вады, людзі знясілелі. I пачалі яны з голаду ўсё навокал есці. Елі нават скураныя вырабы. Так і вытрымалі аблогу. Падаспеўшае войска вызваліла горад. За мужнасць кароль надаў гараджанам зямлі, герб і прозвішча Скура-яд — Скур'ят. Пазней, кажуць, гэты герб выкупіла Бяльмонцкая графіня Плятэр.